Алматы қаласы неліктен "қоңыр-қызыл" аймаққа өткені белгілі болды, - деп хабарлайды Tengrinews.kz тілшісі.
Бұл туралы Алматы қаласы санитариялық-эпидемиологиялық бақылау департаменті басшысының орынбасары Әсел Қалықова айтты.
"Бұл, оның себебі - ең алдымен, алдын-алу шарасы. Өздеріңіз білетіндей, тәулік сайын тұрғындар арасында коронавирустың 1200-1500-ден аса жағдайы тіркеліп жатыр", - деді Әсел Қалықова ӨКҚ брифингінде.
Еске салайық, Алматы коронавирус жұқтырғандар саны бойынша екінші орында: пандемия басталғалы барлығы 101 390 адамнан вирус анықталса, оның 84 532-сі аурудан айыққан.
