"Қордайдағы құбыжық". Желіде жантүршігерлік видео пайда болды

Сымбат Сатыбалдина Журналист

Видео кадры

Әлеуметтік желіде "Қордайдағы құбыжық" туралы видео тарады, - деп хабарлайды Tengrinews.kz тілшісі.

Видеоны көптеген адам Instagram желісіндегі танымал топтарға жібере бастаған. Соның бірі @aqparat.kz парақшасында пайда болған. Видеода адам бойымен бірдей ит жолда жатқаны көрсетілген.

"Жігіттер, мына бәлені қараңдар. Ит екен деп қағып кеткенбіз. Қордай асуында қағып кеттік. Түсіп, барып қарайық десек, аяқ-қолы бар, бойы ұзын. Шок болып жатырмыз", - дейді видеодағы ер адам.

Тағы бір топқа бұл видеоны мыңдаған адам жіберген екен.

"Бұл фейк, монтаж! Видеоға даусын қоя салған. Қордайда ондай құбыжық жоқ. Сабыр сақтаңыздар, ешқандай қауіп төніп тұрған жоқ!", - делінген жазбада.

Бұл расымен фейк ақпарат. Видеоның түпнұсқасы португал тілінде жарияланған. Желіде тарап кеткен видео бразилиялық топ жасаған контенттің бөлігі ғана: сценарий бойынша, бір топ адам қауіпті жануарға кезігеді. Мифологиялық құбыжық қолдан жасалған қуыршақ.