+7 (777) 001 44 99
Қазақша
Русский
English
Қазақстанда науқастар инфекциялық төсек-орындардың 54 пайызында емделіп жатыр. Бұл туралы денсаулық сақтау министрі Алексей Цой Үкімет отырысында айтты, - деп хабарлайды Tengrinews.kz тілшісі.
Цойдың сөзінше, бүгінде елдегі төсек-орындардың 46 пайызы бос.
"11 тамыздағы жағдай бойынша, 328 медициналық мекемеде 55 658 инфекциялық төсек-орын бар. Оның 54 пайызы бос емес. Инфекциялық стационарларда реанимациялық төсек орын саны - 4 969, оның 45 пайызы бос емес", - деді ведомство басшысы.
Оның айтуынша, эпидемиологиялық жағдай нашарлаған жағдайда резервте 7 419 төсек-орын дайын тұр.
"Инфекциялық төсек-орындарда жатқандар саны Атырау мен Нұр-Сұлтанда көп - 69 пайыз, ал Ақтөбе облысында - 65 пайыз, Алматы мен Жамбыл облысында - 63 пайыздан", - деді Цой.
