+7 (777) 001 44 99
Қазақша
Русский
English
Қазақстанда коронавирус тарауы бір аптада 39 пайызға артты, - деп хабарлайды Tengrinews.kz тілшісі. Бұл туралы ҚР денсаулық сақтау министрі Алексей Цой Үкімет отырысында мәлімдеді.
"29 маусымдағы жағдай бойынша, елімізде коронавирус жұқтырудың 421 121 дерегі тіркеліп, 4336 адам көз жұмды. Қазақстан 26 маусымнан бері "қызыл" аймақта. Ал, республика бойынша бес өңір "қызыл" аймақта: Нұр-Сұлтан, Алматы қалалары, Батыс Қазақстан, Атырау және Қарағанды облыстары. Қалған өңірлер "сары" және "жасыл" аймақта. Кейінгі аптада коронавирус жұқтыру 39 пайызға артты", - деді министр.
Цойдың мәліметтері бойынша, 29 маусымдағы жағдайға сәйкес, республикада инфекциялық төсек-орынның 27 пайызы, жансақтау төсек-орнының 24 пайызы толған.
"Эпидемиологиялық жағдай нашарлауына байланысты Нұр-Сұлтан мен Алматы қалаларында карантин шаралары қатаңдады. Еліміз бойынша 5,2 миллион доза вакцина салынды, олардың ішінде бірінші компонент - 3,25 миллион, екіншісі - 1,95 миллион", - деді Цой.
Айта кетейік, 2021 жылғы 29 маусымдағы мәлімет бойынша Қазақстанда вакцинаның I компонентін 3 246 795 адам салдырды, II компонентті 1 954 372 адам салдырды.
